ListaVestrið
Flateyri
Undanfarin ár hafa Galleríið Undir Brúnni, Gamla Slökkvistöðin
og Tankurinn staðið fyrir árlegum menningarviðburðum sem
laða til sín fjölda fólks og vekja stöðugt meiri athygli. Þessir þrír
staðir tengjast sterkum böndum og hafa staðið fyrir sameigin-
legum viðburðum, haft opnanir á sama degi, hjálpast að við að
kynna viðburði hvers annars, samræmt opnunartíma og dæmi eru
um að viðburðir hafi ferðast á milli sýningarrýma. Árið 2025 var
ákveðið að sameina viðburðina undir einn hatt undir
nafninu ListaVestrið - menningarhátíð á Flateyri. Markmið
hátíðarinnar er að bjóða uppá metnaðarfulla menningarviðburði,
fá okkar fremstu listamenn til að taka þátt, efla menningarlíf á
vestfjörðum og laða að gesti og gangandi.
UNDIR BRÚNNI
Galleríið Undir Brúnni er einstakt listagallerí, staðsett
undir gamalli steyptri brú á Sólbakka, rétt fyrir utan
Flateyri. Þetta óvenjulega rými hefur vakið athygli
fyrir óhefðbundnar innsetningar. Fyrsta sýningin var
opnuð sumarið 2022 og síðan þá hefur nýr lista-
maður spreytt sig árlega á þessu sérstaka gallerýi.
Myndlistarmaðurinn Finnur Arnar reið á vaðið 2022,
sumarið eftir sýndi Hrafnkell Sigurðsson undir brúnni
og árið 2024 var það svo listakonan Hrafnhildur
Arnardóttir, öðru nafni Shoplifter, sem sýndi verk sitt
Gátt. Árið 2025 var það svo myndlistarkonan
Ragnheiður Gestdóttir sem sýndi verkið Súla lll.
Sýningarnar Undir brúnni standa í eitt ár í senn.
TANKURINN
Tankurinn á Flateyri er merkilegt mannvirki með langa og fjölbreytta sögu. Upphaflega var hann reistur árið 1925 sem geymslutankur fyrir lýsi. Síðustu ár hefur Tankurinn öðlast nýtt líf sem skapandi rými og er í dag vettvangur fyrir ýmsa viðburði, þar á meðal tónlistarviðburði, listsýningar, gjörninga auk þess sem rýmið hefur verið nýtt fyrir veislur. Óhefðbundin notkun rýmisins undirstrikar sköpunargáfu samfélagsins á Flateyri og sýnir hvernig hægt er að umbreyta iðnaðarbyggingum í menningarlegum tilgangi. Sumarið 2024 hélt myndlistarmaðurinn Kristján Björn Þórðarson sýningu undir nafninu Endurlit / Reminiscence í Tankinum. Sumarið 2025 var svo frumflutt nýtt
tónverk og hljóðinnsetningin Jökull eftir tónskáldin Eirík Stephensen og
Rún Árnadóttir.
Gamla Slökkvistöðin
Flateyri
Gamla Slökkvistöðin Flateyri hýsti áður, eins og nafnið bendir
til, slökkvilið þorpsins. Á undanförnum árum hefur húsið fengið
nýtt hlutverk sem menningar- og listamiðstöð, þar sem fjöl-
breyttir viðburðir og sýningar hafa verið haldnir. Þessi um-
breyting Gömlu Slökkvistöðvarinnar í menningarhús hefur
orðið mikilvægt framlag til menningarlífs Flateyrar og styrkt
samfélagið með því að skapa vettvang fyrir listsköpun. Árið
2022 sýndi í slökkvistöðinni myndlistarkonan Jean Larson og
árið eftir var það listamaðurinn Kristján Jónsson sem opnaði
málverkasýninguna Málverkasýning. Sumarið 2024 hélt svo
myndlistarmaðurinn Hrafnkell Sigurðsson sýningu á ljósmyndum
af innsetningunni sem hann var með undir brúnni árið áður og
stóð uppi allan veturinn. 12. júlí 2025 opnaði myndlistarkonan
Gabríela Friðriksdóttir sýninguna Ströndinni og síðar sama ár
opnaði syningin RÓLÓ, samsýningin ungs fólks úr Lýðháskólanum
á Flateyri, í Slökkvistöðinni.
2026
11. Júlí
15:00 Undir Brúnni: Krassa Sig
15:30 Tankurinn jarðhæð: Rannveig Jónsdóttir og Gunnar Jónsson
16:00 Tankurinn efri hæð: Einar Örn Benediktsson
17:00 Gamla Slökkvistöðin: Hulda Hákon og Jón Óskar
.jpg)
2025
Undir Brúnni : Ragnheiður Gestdóttir. Súla lll
Tankurinn : Eirík Stephensen og Rún Árnadóttir. Jökull / Glacier
Gamla Slökkvistöðin : Gabríela Friðriksdóttir
2024
Undir Brúnni : Hrafnhildur Arnardóttir /Shoplifter, Gátt / Portal
Tankurinn : Kristján Björn Þórðarson. Endurlit / Reminescense
Gamla Slökkvistöðin : Hrafnkell Sigurðsson
​
2023
Undir Brúnni : Hrafnkell Sigurðsson Innhverfing
Gamla Slökkvistöðin : Kristján Jónsson. Málverkasýning
2022
Undir Brúnni : Finnur Arnar Nú - Þá / Now - Then
Gamla Slökkvistöðin : Jean Larson